Þessi fallega stúlka fæddist rétt fyrir áramót og kom í myndatöku til mín þann 18. janúar sl. Ekki nóg með það, þá fékk ég að mynda bumbuna sem hún kom úr í byrjun desember. Ég vona að ég fái að mynda hana aftur síðar og sjá hana stækka og dafna en ég hef einmitt fengið stóru systkini hennar í heimsókn síðastliðin 3 ár.
Þau Móna og Hlynur hafa áður komið í heimsókn til mín í stúdíóið í jólamyndatöku. Reyndar hafa þau ekki aðeins komið einu sinnu áður heldur er þetta í þriðja sinn sem þau mæta með börnin sín tvö, þau Jóhönnu og Kristófer. Þegar þau komu til mín fyrir jólin var stutt í að þriðja barnið kæmi í heiminn en þau eignuðust litla stúlku þann 30. desember sl.
Elsku fjölskylda, innilega til hamingju með litlu prinsessuna 🙂
Þessi hæfileikaríka stúlka á afmæli í dag. Ótrúlegt að hugsa til þess að hún sé orðin 18 ára!
Elsku Melkorka, innilega til hamingju með daginn þinn. <3
Þessi littli karl hefur komið til mín í myndatöku áður, ekki einu sinni, heldur tvisvar. Það er alltaf gaman að fá að fylgjast með því hvernig börnin stækka á milli ára.
Þessar eru alltaf jafn sætar, enda á ég pínulítið í þeim 😉 Við lékum okkur saman í stúdíóinu í nóvember en þetta er aðeins lítið brot af þeim myndum sem voru teknar. Það er því kannski von á fleiri myndum síðar.
