Melkorka Rós og Marín Ásta
Þessar eru alltaf jafn sætar, enda á ég pínulítið í þeim 😉 Við lékum okkur saman í stúdíóinu í nóvember en þetta er aðeins lítið brot af þeim myndum sem voru teknar. Það er því kannski von á fleiri myndum síðar.
Boston USA
Í lok síðasliðins mánaðar skrapp ég til Boston í nokkra daga með henni Marínu, Guðbjörgu systur minni og Heiði, dóttur hennar. Myndavélin fékk að fara með og var svoldið notuð. Þessar myndir eru allar teknar með LensBaby Composter linsu/dóti sem er eiginlega nýjasta uppáhalds dótið mitt þessa dagana.
Arnbjörg fer til stóru systur
Marín, stóra systir hennar Arnbjargar er afskaplega dugleg að taka litlu systkini sín í heimsóknir til sín. Hún útbjó spjald með myndum af þeim þremur, Stefáni, Önnu og Öddu, og ör sem bendir á það þeirra sem er næst í röðinni. Að vera “næst” er afskaplega spennandi. Eitt í einu fer þá í Hafnarfjörðinn með Marínu, fá að gista þar og gera eitthvað spennandi.
Hér er röðin komin að Öddu. Hún vildi vera fín og hér er hún að hafa sig til fyrir heimsóknina, með smá hjálp frá stóru systur…
Marín og Valdi
Söngfuglar
Melkorka hefur verið í söngtímum hjá henni Briet Sunnu í vetur og þann 3. maí sl voru tónleikar. Það voru krakkar á öllum aldri og greinilegt að það er mikill áhugi þarna á ferðinni.
Melkorka og Heiðdís vinkona hennar voru kynnar kvöldsins og stóðu sig með mikilli príði.
Þegar svo kom að því að Melkorka fór að syngja lokalagið fóru tár að leka hjá móðurinni… Þetta var hreint útsagt frábært hjá henni, enda söng hún afskaplega fallegt lag, Hello með Evenessense sem er í nokkru uppáhaldi hjá kellu.
Hér er svo skvísan að æfa sig….
Svo fá hinar systurnar líka að fljóta með. Anna var úti að leika þegar þessar voru teknar, en allar stelpurnar mínar eru miklir söngfuglar.
