Arnbjörg og baldursbráin
4 ára rúsínumús.
Hún Arnbjörg eða bara Adda er 4 ára í dag. Þá varð ég auðvitað að ná í skálina góðu ásamt myndavélinni og smella nokkrum myndum af afmælisstúlkunni.
Hér eru svo myndir síðustu ára…..
Anna
Ég hef ekkert verið neitt sérstaklega dugleg við að blogga hérna. Eginlega hef ég heldur ekki verið neitt sérstaklega dugleg við að taka myndir upp á síðkastið þar sem ég hef verið svo upptekin í skólanum.
Akkúrat í augnablikinu ætti ég reindar að vera að lesa undir próf en ég þurfti bara aðeins að dreifa huganum og hugsa um eitthvað annað í smástund. Ég er þó farin að sjá fyrir endan á skólabókalestri…. Síðasta próf er 3. maí nk. og þá gæti maður e.t.v. farið að taka fram myndavélina fyrir alvöru.
Arnbjörg fer til stóru systur
Marín, stóra systir hennar Arnbjargar er afskaplega dugleg að taka litlu systkini sín í heimsóknir til sín. Hún útbjó spjald með myndum af þeim þremur, Stefáni, Önnu og Öddu, og ör sem bendir á það þeirra sem er næst í röðinni. Að vera “næst” er afskaplega spennandi. Eitt í einu fer þá í Hafnarfjörðinn með Marínu, fá að gista þar og gera eitthvað spennandi.
Hér er röðin komin að Öddu. Hún vildi vera fín og hér er hún að hafa sig til fyrir heimsóknina, með smá hjálp frá stóru systur…
Adda og kjólarnir
Núna fyrir áramótin tók ég hana Öddu í myndatöku og tók með að hennar ósk alla kjóla sem voru mátulega stórir. Svo var smellt af nokkrum myndum og skipt um kjól. Þannig gekk þetta þar til það var búið að fara í alla kjólana.