Úti að leika

Þær vinkonur Anna og Anna sömdu við mig að ef ég hefði áhuga að taka af þeim nokkrar myndir í garðinum þá “mætti ég alveg borga þeim fyrir”. Sem sagt, ég átti að gefa þeim smá pening fyrir nammi. Þessi myndataka kostaði mig því 30 krónur í beinhörðum peningum eða tíkall á mann.







Adda 5 ára

Hún Adda er fimm ára í dag og þess vegna var skálin góða tekin fram. Fyrir þá sem ekki þekkja sögu þessarar skálar þá var fyrsta myndin af henni Öddu tekin í þessarri skál. Hún fæddist heima en ljósmóðirin hafði gleimt viktinni sinni. Því var brugðið á það ráð að ná í eldhúsvogina og einhverja skál sem hægt væri að vikta barnið í. Svo á eins árs afmælinu var skálin tekin framm á ný ásamt myndavélinni og nokkrar myndir teknar… en þá var ekki aftur snúið. Nú er þessi myndataka árviss viðburður.





Melkorka Rós

Hér koma myndir af henni Melkorku Rós, teknar vegna geisladisksins sem ég talaði um í síðustu færslu.

Þess má geta að á dögunum sigraði hún undankeppni Samsuðs hér á svæðinu og var getið um þetta á Víkurfréttum. Einnig er hægt að skoða myndbönd af henni og raunar Marínu líka á youtube-inu mínu. Melkorka er líka sjálf með youtube rás og auk þess einnig með Soundcloud síðu. Þar er m.a. að finna nokkur lög af diskinum góða.





Heiðar og Melkorka

Flottir krakkar hér á ferð. Heiðar bað mig að aðstoða sig við jólagjöf handa vinkonu sinni, Melkorku. Hann vildi gefa henni “sæta” mynd af þeim saman. Ég þurfti þá nauðsynlega að fá þau til að hjálpa mér aðeins með prófanir á ljósunum. Melkorku fannst það bara hið eðlilegasta mál og hafði ekki hinn minsta grun um hvað lægi þarna að baki.


Marín

Það er nú ekkert mjög erfitt að fá þessa til að koma í stúdíóið og leika smá. Ég tók fullt af allskonar myndum en fleiri koma seinna þegar ég hef betri tíma til vinna þær.



Page 3 of 1012345...10...Last »