Sumarið 2013

Síðastliðið sumar fórum við í ferðalag um landið okkar í leit að sólskini í stað rigningarinnar sem var hérna fyrir sunnan. Við enduðum á Austurlandi og dvöldum megnið af fríinu við Hallormstaðaskóg. Við fórum í bíltúra og/eða gönguferðir og myndavélin fékk þá einnig að koma með. Afraksturinn er margar myndir, en þó helst af þessum skottum og hinum sem voru með í för enda eru “mannamyndir” í miklu meira uppáhaldi hjá mér en landslag og þess háttar.

Hérna eru þær skottur, Anna og Adda að sulla við Lagarfljótið…






Bumba og meðfylgjandi

Þau Móna og Hlynur hafa áður komið í heimsókn til mín í stúdíóið í jólamyndatöku. Reyndar hafa þau ekki aðeins komið einu sinnu áður heldur er þetta í þriðja sinn sem þau mæta með börnin sín tvö, þau Jóhönnu og Kristófer. Þegar þau komu til mín fyrir jólin var stutt í að þriðja barnið kæmi í heiminn en þau eignuðust litla stúlku þann 30. desember sl.

Elsku fjölskylda, innilega til hamingju með litlu prinsessuna 🙂






Mynd frá liðnu sumri

Þetta er aðeins ein af ótal myndum sem ég tók síðast liðið sumar. Fleiri myndir koma á næstunni en núna þessa dagana ætla ég að fara í að lagfæra ýmislegt hérna á síðuni. Margt af þessari lagfæringarvinnu verður e.t.v. ekki vart hérna á ytri vefnum en það er alltaf einhver möguleiki á að eitthvað komi upp sem getur valdið því að einstaka hlutar síðunnar hegði sér eitthvað undarlega.

Sigurður Mikael

Ég er búin að þekkja mömmu hans Sigurðar Mikaels síðan hún var lítil stelpa og lít eiginlega á hana sem eitt af mínum eigin börnum. Það var því ekki leiðinlegt að fá að taka nokkrar myndir af þessum fallega “ömmustrák”. Stóra systir, hún Díana Guðrún, vildi helst bara leika við “afa” á meðan en varð svo dálítið þeytt og lagði sig og þá var líka tilvalið að taka nokkrar af henni líka.