Sigrún Ólafsdóttir – Ljósmyndir

Þessi fallegi drengur kom í heimsókn til mín með pabba sínum og mömmu. Hann svaf eins og engill meðan á myndatökunni stóð enda herbergið heitt og notalegt. Við fullorðna fólkið urðum bara að þola hitann á meðan.

Þetta var afskaplega gaman og ég get ekki neitað því að ég væri sko alveg til í að eiga eitt svona kríli. ;) Takk fyrir Hekla mín og Bjössi að leifa mér að mynda litla drenginn ykkar og vonandi fæ ég að mynda hann og ykkur aftur fljótlega.

Ég vil taka það fram að þetta er aðeins lítið brot af myndunum sem ég tók og það eiga alveg örugglega eftir að koma nokkrar í viðbót hérna inn á bloggið.

Þessar myndir voru teknar í 90 ára afmælisveislunni hennar Arnbjargar (Öddu). Hér er hún ásamt fjölskyldu sinni, börnum, barnabörnum, barnabarnabörnum og börnum og mökum þeirra.

Þessi hressu systkini, Bjartur, Ólafur og Áróra, voru í 90 ára afmælisveislu langömmu sinnar eins og frænka þeirra í færslunni á undan.

Við fjölskyldan fórum í 90 ára afmæli Öddu ömmu síðastliðinn sunnudag. Þar tók ég helling af myndum, m.a. myndir af afmælisbarninum ásamt börnum, barnabörnum og barnabarnabörnum. Þær koma síðar og örugglega fleiri myndir frá veislunni. Ég mátti einnig til með að taka nokkrar myndir af börnunum. Veðrið var einstakt þennan dag og börnin leituðu útfyrir dyrnar og ég á eftir. Þessi gullfallega stúlka, barnabarnabarn afmælisbarnsis, var meðal veislugesta. Hún var dálítið feimin í fyrstu en það lagaðist undir lok veislunnar. Ég væri alveg til í að fá að eiga stund með henni í “alvöru myndatöku”.

Ég og maðurinn minn fórum í sumarbústað í júlí í nokkra daga ásamt fleirum. Þar var m.a. þessi unga dama, hún Maríanna Una, sem er afskaplega hress og skemmtileg stelpa. Ég hef myndað Maríönnu nokkrum sinnum áður og fyrst þegar hún var aðeins þriggja daga gömul.

Það væri nú gaman ef öll börnin mín væru eins dugleg að vera módel fyrir mömmu sína eins og þessi dama, en eftir því sem þau eldast eru þau meira til í að gera eitthvað annað en að fara með mömmu gömlu í göngutúra.